Khubah Basa Jawa : PALÉSTINA BUTUH SOLUSI TUNTAS

 KHUTBAH JUMAT

DMDI (DEWAN MASJID DIGITAL INDONESIA)

https://seruanmasjid.com

PALÉSTINA BUTUH SOLUSI TUNTAS

KHUTBAH I

إنَّ الْحَمْدَ لِلَّهِ, نَحْمَدُهُ, وَنَسْتَعِينُهُ, وَنَسْتَغْفِرُهُ, وَنَعُوذُ بِاللَّهِ مِنْ شُرُورِ أَنْفُسِنَا, وَسَيِّئَاتِ أَعْمَالِنَامَنْ يَهْدِهِ اللَّهُ فَلاَ مُضِلَّ لَهُ, وَمَنْ يُضْلِلْ فَلاَ هَادِيَ لَهُ,

أَشْهَدُ أَنْ لاَ اِلَهَ اِلاَّ اللهُ وَحْدَهُ لَاشَرِيْكَ لَهُ، شَهَادَةَ مَنْ هُوَ خَيْرٌ مَّقَامًا وَأَحْسَنُ نَدِيًّا.

وَأَشْهَدُ أَنَّ سَيِّدَنَا محَمَّدًا عَبْدُهُ وَرَسُوْلُهُ الْمُتَّصِفُ بِالْمَكَارِمِ كِبَارًا وَصَبِيًّا.

اَللَّهُمَّ فَصَلِّ وَسَلِّمْ عَلَى سَيِّدِنَا مُحَمَّدٍ كَانَ صَادِقَ الْوَعْدِ وَكَانَ رَسُوْلاً نَبِيًّا، وَعَلَى آلِهِ وَصَحْبِهِ الَّذِيْنَ يُحْسِنُوْنَ إِسْلاَمَهُمْ وَلَمْ يَفْعَلُوْا شَيْئًا فَرِيًّا،

أَمَّا بَعْدُ، فَيَا أَيُّهَا الْحَاضِرُوْنَ رَحِمَكُمُ اللهُ،اُوْصِيْنِيْ نَفْسِيْ وَإِيَّاكُمْ بِتَقْوَى اللهِ، فَقَدْ فَازَ الْمُتَّقُوْنَ

يَا أَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ.

يَا أَيُّهَا النَّاسُ اتَّقُوْا رَبَّكُمُ الَّذِيْ خَلَقَكُمْ مِّنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيْرًا وَنِسَآءً وَاتَّقُوا اللهَ الَّذِيْ تَسَآءَلُوْنَ بِهِ وَاْلأَرْحَامَ إِنَّ اللهَ كَانَ عَلَيْكُمْ رَقِيْبًا. 

يَا أَيُّهَا الَّذِيْنَ ءَامَنُوا اتَّقُوا اللهَ وَقُوْلُوْا قَوْلاً سَدِيْدًا. يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوْبَكُمْ وَمَنْ يُطِعِ اللهَ وَرَسُوْلَهُ فَقَدْ فَازَ فَوْزًا عَظِيْمًا.أَمَّا بَعْدُ؛

قَالَ اللهُ تَعَالَى: 

....أَعُوذُ بِاللَّهِ مِنَ الشَّيْطَانِ الرَّجِيمِ

 وَالَّذِينَ كَفَرُوا بَعْضُهُمْ أَوْلِيَاءُ بَعْضٍ إِلَّا تَفْعَلُوهُ تَكُنْ فِتْنَةٌ فِي الْأَرْضِ وَفَسَادٌ كَبِيرٌ 

 (QS al-Anfal [8]: 73)

Para sedhèrèk Muslim, Jamaah  Jumat  ingkang pinaringan rahmating Gusti Allah SWT.

Minangka pambukaning atur, mangga kita sami  tansah ngunjukaken raos syukur wonten ngarsa dalem Allah SWT., awit sampun kathah nikmat peparingipun dhumateng kula dalasan  panjenengan sedaya. 

Sak lajengipun, minangka pendhèrèkipun ingkang tansah setya tuhu,  mangga sareng-sareng atur shalawat dalasan salam  kunjuk dhumateng bagindha  Rasul Muhammad SAW., sumarambah dhumateng para keluwarga para sahabatipun, para tabiin, ugi para tabiutabiin ngantos dumugi akhir zaman.

Minangka jangkeping rukun khotbah, al fakir khotib mboten bosen-bosen  tansah atur pepémut dhumateng diri pribadi kula piyambak, sumarambah dhumateng para jamaah Jumat, kanthi atur, sumangga tansah ngandelaken iman, nambah agenging taqwa kita dhumateng Allah SWT., jumbuh kaliyan dhawuhipun kanjeng Nabi Muhammad SAW.:

اِتَّقِ اللهَ حَيْثُمَا كُنْتَ، وَأَتْبِعِ السَّيِّئَةَ الْحَسَنَةَ تَمْحُهَا، وَخَالِقِ النَّاسَ بِخُلُقٍ حَسَنٍ 

“Sira padha taqwaa marang Allah ing ngendi waé mapanira. Imbangana pakartimu kang nistha kanthi tumindak becik, amargo kabecikan bakal hangganti kanisthan mau. Srawunga karo sapepadhané manungsa kanthi kelakuan kang becik.” (HR Tirmidzi ).

Ing satunggaling ayat, Allah SWT sampin paring firman makaten:

....وَتَزَوَّدُوا فَإِنَّ خَيْرَ الزَّادِ التَّقْوَى وَاتَّقُونِ يَاأُوْلِي اْلأَلْبَابِ

 “....Lan sira padha cawisa sangu, satemené becik-beciking sangu iku wedi (taqwa) ing Allah. Hé wong kang padha duwé akal, sira padha wediya marang Ingsun”. (QS Al-Baqarah [2]: 197).

Ing  pérangan firman ingkang sanès, Allah SWT. paring dhawuh:

يَا أَيُّهَا الَّذِينَ آمَنُواْ اتَّقُواْ اللّهَ حَقَّ تُقَاتِهِ وَلاَ تَمُوتُنَّ إِلاَّ وَأَنتُم مُّسْلِمُونَ

Hé wong-wong mukmin kabèh, Sira padha bektiya ing Allah, kelawan sejatining bekti, lan sira aja padha mati, kajaba mati ing kahanan Islam.” (QS Ali Imran [3] : 102).

Para sedhèrèk Jamaah Jumah  ingkang kinurmatan

Ing wekdal kita sami mahargya Idul Fitri, warga Paléstina sami nggrantes. Aparat keamanan Israèl sami nyerang piyambakipun. Kaum Muslim dipun tundhung saking Masjidil Aqsha kanthi pinilara. Langkung saking 200 warga Paléstina sami nandhang tatu. Kebrutalan polisi Israèl  menika hanjalari  tuwuhipun bentrok sambungan, ingkang kelajeng ngantos ing dinten niki.

Menapa masalahipun? Warga Paléstina asung protes awit penggusuran griya-giyanipun ing sakupenging masjid suci kaum Muslimin niku. Israèl  tan berdhuli malih kaliyan sinten ingkang  hangadhahi. Tumraping penjajah Israèl, bumi Paléstina dipun anggep gadhahipun piyambak. Warga Paléstina kedah dipun tundhung saking mriku. 

Kekejaman Israèl  ingkang dipun sengkuyung déning Barat niku sampun mèh manguwaosi sedaya wilayah Paléstina.  Sampun  90 persen bumi Paléstina dipun caplok déning  zionis laknatullah niku. Éwo semanten, dunia mangertosi bilih sadèrèngipun menika  Israèl  dèrèng wonten. Sedayanipun minongka tiyang neneko saking éropa,  lan pikantuk siti kasebat kanthi mangrebat, sasampunipun ngrubuhaken Kekhilafahan Turki Utsmani langkung rumiyin.

Para sedhèrèk Jamaah Jumah  ingkang kinurmatan

Masjidil Aqsha minangka masjid gadhahan kita, kaum Muslimin. Sanès gadhahanipun bangsa Paléstina kémawon. Saking mriko, rumiyin Baginda Nabi SAW. miraj tumuju dhumateng sidratul muntaha. Status kesucian niku tan gingsir ngantos ing akhir  zaman. Sok sinteno ingkang ngadani shalat ing nglebetipun badhé pikantuk ganjaran tikel kaping 500 tinimbang sholat ing sanès papan, kajawi ing Masjidil Haram lan Masjid Nabawi.

Kajawi menika, bangsa  Paléstina ugi minangka sedhèrèk kita. Allah sampun netapaken bilih sesamaning kaum Mukmin minangka sedhèrèk. Sanajan boten tunggal getih utawi trah, keimanan sampun manunggalaken kita sedaya. Islam sampun nyingkiraken manéka bates pamilah; suku bangsa, ras, warni kulit lan status sosial. Allah SWT. sampun paring firman makaten:

إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ

Satemené para mukmin padha dadi sedulur. Mulané padha ngrukunna sedulurmu loro kang padha pasulayan lan bektia ing Allah supaya oleh asihé. (TQS al-Hujurat [49]: 10).

 

Malah, kiyat ringkihipun pasedhèrèkan kaliyan sesaminipun Mukmin minangka ukuran kualitas keimanan satunggaling tiyang. Baginda Nabi SAW. sampun paring sabda mekaten:

لا يُؤْمِنُ أَحَدُكُمْ حَتَّى يُحِبَّ لأَخِيهِ مَا يُحِبُّ لِنَفْسِهِ

Durung sampurna iman sawijining pawongan nganti dhèwèké nresnani marang seduluré kadidéné nresnani apa waé kang dèn tresnani kanggo awaké dhéwé (HR Muslim).

Pramila ironis sanget, menawi kita kèndhel kémawon nalika bumi Paléstina dipun caplok déning  Israèl  lan bangsa Paléstina dipun hinaaken déning  zionis terlaknat kasebat.

Para sedhèrèk Jamaah Jumah  ingkang kinurmatan

Ironis sanget menawi wonten tiyang Muslim sami téga dhumateng Muslim sanèsipun wonten ing salebeting kawontenan ingkang nembé katindhes, langkung-langkung piyambakipun minangka panguwasa ingkang gadhah samubarang kekiyatan kanggé paring pitulungan dhumateng sedhèrèkipun niku. Lan langkung ironis malih, menawi panguwasa Muslim pasekuton kaliyan para panindhes sedhèrèkipun, kados ingkang saget kita tingali samenika. Negari-negari Arab mingkem rapet, éthok-éthok wuta lan budheg dhumateng kawontenan masjid suci lan bangsa Paléstina.

Padahal Nabi SAW. sampun maringi sabdha makaten :

الْمُسْلِمُ أَخُو الْمُسْلِمِ، لاَ يَظْلِمُهُ، وَلاَ يُسْلِمُهُ

Sawijining wong Muslim iku minangka sedulur mungguh Muslim liyané.  Ojo padha nganti hanzalimi lan ngulungaké seduluré (marang musuh) (HR al-Bukhari).

Lan Allah sampun paring pémut sata ancaman tumrap sinten kémawon ingkang sami ngèndelaken penindhasan tumrap sasamining Muslim. Allah SWT. sampun paring firman makaten:

وَالَّذِينَ كَفَرُوا بَعْضُهُمْ أَوْلِيَاءُ بَعْضٍ إِلَّا تَفْعَلُوهُ تَكُنْ فِتْنَةٌ فِي الْأَرْضِ وَفَسَادٌ كَبِيرٌ

Lan wong-wong kafir iku padha tiling tinulung lan waris winaris padha kancané. menawa sira ora nindakaké kaya préntah Ingsun, waris-winaris padha wong Islam waé, ora kena waris winaris karo wong kafir, iku bakal nganakaké paékan (pangréka) gedhé, lan gawé rusak ana ing bumi. (TQS al-Anfal [8]: 73).

Imam ath-Thabari paring panjelasan  kalimat “ora nindakaké kaya préntah Ingsun” tegesé ora awèh pitulungan. Kasunyatané Allah SWT, wis paring dhawuh marang kita kabèh supaya nulung marang wong Mukmin kang njaluk pitulungan:

وَإِنِ اسْتَنْصَرُوكُمْ فِي الدِّينِ فَعَلَيْكُمُ النَّصْرُ 

.... wong mengkono mau menawa nyuwun tulung  marang sira perkara tumindaking agama, sira kabèh wajib nulungi. .... (TQS al-Anfal [8]: 72).

Para sedhèrèk Jamaah Jum’ah  ingkang kinurmatan

Paléstina menika minangka perkawis kita sesarengan. Undhering masalah bakunipun inggih babagan penjajahan. Sanès keluwèn, kemiskinan, utawi kaséhatan. Pramila, masalah niki badhé saged rampung menawi para penjajah dipun thundhung saking wilayah kasebat. Menika minangka akar masalahipun. Sedanguné Israèl  wonten, Paléstina badhé kahina terus. 

Ananging, tanpa negari ingkang paring pangayoman dhumateng Paléstina khususipun, lan umat Islam ing umumipun, menapa badhé saged bumi suci kaum Muslim dipun bébasaken? Mboten. Negari kedah dipun lawan kaliyan sesamining negari. Tan kénging wonten kompromi. Pranyata menika namung saget dipun tindakaken déning  negari ingkang lelandhesan Islam kanthi kaffah. Karana makaten menika ingkang dados urgènsi kaum Muslim, manunggal lan mangangkat pemimpin sejati minangka junnah/pelindung umat Islam, kadidéné ing  jaman rumiyin, ing zaman Khufaur Rasyidin, ingkang ngluri manhaj kenabian. 

Kita perlu terus handombani para panguwasa Muslim, karana piyambakipun ingkang kagungan kekuatan, kanggé atur pitulugan dhumateng Paléstina. Hanundhung bangsa Israèl  saking bumi Paléstina. Menawi piyambakpun gadhah tentara, kedahipun ugi kakririm dhumateng mrika. Menika sedaya minangka wujud ukhuwahipun sesami Muslim lan kecintaan sejati dhumateng Islam.

Jamaah  Jumat  ingkang pinaringan rahmating Gusti Allah SWT.

Makaten  ingkang saged kula aturaken ing khutbah Jumat menika. Hanglenggana bilih sedaya kasampurnan namung kagunganipun Allah SWT. samukawis atur kula ingkang leres awit pitedah saking Allah SWT., lan Rasulipun, mangga kita gondhèli kanthi saèstu. Samukawis atur kula ingkang lepat, awit  saking kirangipun pangertosan pribadi kula, mangga kita bucal sak tebihipun, lan mugi panjenengan sedaya kersa hanglubèraken samudra pangaksami. 

Pepuntonipun atur, mangga kita pungkasi khutbah menika kanthi ndedonga sesarengan, mugi kita sedaya tansah pinaringan panjang yuswa, séhat lahir batin, manfaat dunia akhérat. Pinaringan hidayah, inayah lan kekiyatan, sahéngga saged dados péranganipun ahli dhakwah, ingkang tansah sengkut ngrembakakaken jejegipun syariat agami Islam ing salebeting daulah Islamiyah, tansah setya tuhu hanuladhani kanjeng Nabi Muhammad SAW. ngantos  puput yuswa kanthi kawontenan husnul khatimah,  aamiin ya rabbalalamiin.

بَارَكَ الله لِي وَلَكُمْ فِى اْلقُرْآنِ اْلعَظِيْمِ، وَنَفَعَنِي وَإِيَّاكُمْ بِمَافِيْهِ مِنَ الْآيَاتِ وَالذِّكْرِ الْحَكِيمِ وَتَقَبَّلَ اللهُ مِنَّا وَمِنْكُمْ تِلاَوَتَهُ وَإِنَّهُ هُوَ السَّمِيْعُ العَلِيْمُ، وَأَقُوْلُ قَوْلِي هَذَا فَأسْتَغْفِرُ اللهَ العَظِيْمَ إِنَّهُ هُوَ الغَفُوْرُ الرَّحِيْم

Khutbah II

اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى إلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا

أَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ الْمُسَبِّحَةِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. 

اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلي وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ

اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآء مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَاعْلِ كَلِمَاتِكَ إِلَى يَوْمِ الدِّيْنِ.

اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. 

رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. 

رَبَّنَا ظَلَمْنَا اَنْفُسَنَا وَاإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ.

 عِبَادَاللهِ ! إِنَّ اللهَ يَأْمُرُنَا بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْْ

Terkait :